School Life

Subha subha phone halla machai

jab school jane ka waqt ho jaye

uth kar apne datoon ko chamkai

breakfast karke mast ho jaye

chalte chalte raaste main yaad aaye

homework book toh ghar bhul aaye

teacher ko jab sachai bataye

toh usse yakeen ho na paye

sorry keh kar miss ko manaye

kabhi kabhi woh maan bhi jaye

jab lunch ka waqt ho jaye

ghar se jyada canteen yaad aaye

jab garma garum ragda khaye

peth main thandak ho jaye

doston ke saang gappe ladaye

bell bajte he class ko chale aaye

saare baache karte hai rab se duaaye

koi toh teacher absent ho jaye

math ka jab period aaye

formulas main sab uljeh reh jaaye

history mam jab aa kar pakaye

wooden bench bhi takya ban jaye

chemistry ka jab waqt ho jaye

sab kahe its a sleeping period bhaye

biology mam jab concept samjhai

saare bacche apna sir khujaye

physics mam jab gravitation sikhaye

hum sab ko toh ghar yaad aaye

geography main jab yaad karne ho maps

sab mar lete hai apne aap ko slaps

sab se aacha hai environment bhai

kuch bhi likho marks toh aaye hi aaye

iss sab ke baad jab jaana ho ghar

lunch main kya hoga uski hoti hai fikar

Manzile

Zindagi ban gayi hai ek saaza

Manzile kaha hai jane kya pata

Dunda par na mile uske nisha

Manzil ke khwaboen main hai ab apna jahan

Kab milegi manzil woh mera sapna

Ek bada ghar aur do do gadiya ho

Ek france, ek London, ek paris main ho

Aur paiso ki kaami kabhi na mehsus ho

Zindagi ko jeene main aaye maza

Khareedne se pehle kabhi na sochna padhe

Hum toh bas apne hee man ki kare

Life main kabhi na dukh dard ho

Maza hi maza loote raho

Khushiyon ka kabhi bhi na the end ho

Rahon ke katoon pe ab bulldozer chale

Aur raaste main kabhi rukaawat na ho

Masti ke inn rango main hum kho jaye

Zindagi jeene ka ek andaaz ho

Par pata nahi kyun lage hai mujhe aisa

Manzil pana nahi hai itna aasan

Karna hoga mushkilo ka saamna

Par hai yakeen ki mil jayegi manzile

Kadmo main hoga apna yeh saala jahan

Aur chamkenge is duniya main taaron ki tarah.

                            

                             

Padhai

Soch  liya hai maine ab toh yeh yaar

Padh kar sabko dekha denge issbar

Bachpan main mila hume sab se dular

Ashirvad kamane ki lalach na rahi yaar

Maa ki daath se hoti thi subha

Aur unhi ke pyaar se hoti thi raat

Papa ka pyaar toh tha anmol

Data nahi jab mile ande gol

Didi ne toh ki meri jam ke pitai

Math phir bhi samajh na aaye

Bhayya ne toh chod de saari umeede

Woh kya jaane maine uthai kitne taklife

Sab kehte hai maine nahi ki tyyari

Kya karu mujhe toh apni chutti thi pyaari

Jab exam dene ki aayi baari

Paper dekh kar hawa nikal gayi saari

Dil mera toh hogaya tha bhari

just pass honi ki novbat na aajaaye hamari

ab ki hai maine puri tayyari

dekh lena padungi sab pe bhari

Examiners ho jayenge pareshan

list main sab se ucha hoga humara naam